GALERIA

Ferma e deleve “Kadri Bajrami”, është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për ndërtimin e stallës, sistemin e mjeljes, laktofrizin dhe vendosjen e paneleve solare me kapacitet prej 8 kWp. Investimi në teknologji të re do të rrisë cilësinë dhe sigurinë e qumështit të deleve dhe njëkohësisht do të zvogëloj kohën që nevojitet për mjeljen e tyre. Me investimet e realizuara, kjo fermë pritet të prodhojë rreth 6000 litra qumësht gjatë periudhës së laktacionit. Programi për Zhvillim Rural po kontribuon për një të ardhme më të ndritur për Kosovën, duke kultivuar prosperitet dhe qëndrueshmëri për brezat që po vijnë. 

Serra “High Speed”, është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për t’i zgjeruar serrat edhe për 20 ari, duke e shtuar në këtë mënyrë prodhimin e perimeve të shëndetshme.   Me lumin afër, kjo tokë pjellore jep speca, tranguj, lakra e majdanoz, ndërsa vetëm prodhimi i domateve e arrin rendimentin prej 100 tonelatash në vit.  Kjo serrë po shfrytëzon dritën e pashterrshme edhe për gjenerimin e 10 kWp të energjisë së gjelbër përmes instalimit të paneleve fotovoltaike.  Mundi dhe puna e palodhshme e fermerëve si Sadati, po mundëson reduktimin e importit dhe rritjen e prodhimit vendor të perimeve në Kosovë. 

Ferma e lopëve qumështore “Agro-Ibrahimaj”, është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për zgjerimin e fermës, modernizimin e sistemit të mjeljes, ndërtimin e silazhit dhe vendosjen e paneleve solare me kapacitet prej 5 kW.

Investimi në teknologji të re ka rritur cilësinë dhe sigurinë e qumështit dhe njëkohësisht ka zvogëluar kohën e cila nevojitej për mjeljen e lopëve. 

Me investimet e realizuara, kapaciteti i prodhimit të qumështit do të rritet nga 600 litra në 1000 litra në ditë. “Agro-Ibrahimaj” po kontribuon në ngritjen e produkteve vendore, duke furnizuar me qumësht fabrikat vendore për përpunimin e qumështit.

 Agro Serra “Bio”, është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për renovimin dhe modernizimin e serrës.   Me ndihmën e Programit për Zhvillim Rural, Haki Behrami ka instaluar sistemin e ngrohjes së serrës, sistemin e ujitjes pikë-pikë, makinerinë për shtrirjen e folisë izoluese dhe atë të mbjelljes së fidanëve.

Kjo serrë me madhësi prej 40 ari po shfrytëzon energjinë diellore edhe për gjenerimin e 3kW të energjisë elektrike. Me mbështetjen e Programit për Zhvillim Rural dhe punën e palodhshme të Hakiut, po reduktohen importet dhe po rritet edhe më shumë prodhimi vendor i perimeve në Kosovë. 

 Bletorja e Frymëzimit, është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për ndërtimin e dhomës së mjaltit dhe blerjen e pajisjeve për bletë.  

Me ndihmën e Programit për Zhvillim Rural, Frymëzimi po përdor pajijse moderne për ruajtjen e mjaltit, kështu duke rritur cilësinë e produktit.   

Kjo bletore me madhësi prej 8 ari po shfrytëzon edhe energjinë diellore për gjenerimin e 2kW të energjisë elektrike.    

Me mbështetjen e Programit për Zhvillim Rural dhe punën e palodhshme të Frymëzimit dhe familjes së tij, po reduktohen importet dhe po rritet edhe më shumë prodhimi vendor në Kosovë. 

Kompania “Bio Farm Group”, është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për automatizimin dhe modernizimin e sistemit të prodhimit të plehut organik.  

Investimi në teknologji të re ka rritur cilësinë dhe kapacitetin e prodhimit të plehut organik deri në 6 metra kub në ditë. Plehu organik u ofron pemëve dhe perimeve tona ushqimet e nevojshme por duke ruajtur kualitetin e tokës dhe ujin e pijshëm.

Kjo kompani po shfrytëzon energjinë diellore edhe për gjenerimin e 2.3kW të energjisë elektrike. 

“Besiana-G”, është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për zgjerimin dhe modernizimin e qendrave për grumbullimin e frutave të malit dhe bimëve mjekësore. 

Me investimet e bëra, kjo kompani tashmë ka kapacitet të grumbullimit të 2 mijë tonelatave të frutave të malit dhe bimëve mjekësore, ku gjysma e tyre eksportohet në tregjet Evropiane. 

Ndërsa ftohjen në pikat grumbulluese “Besiana-G”e realizon përmes energjisë elektrike të prodhuar nga panelet solare, me kapacitet prej 200kW.

“Shala Produkt”, është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për modernizimin e depos për ruajtjen e pemëve dhe perimeve dhe instalimin e paneleve solare me kapacitet prej 4.5 kW, duke kontribuar kështu në uljen kostos së produkteve. 

Kompania “Shala Produkt” tanimë punëson 15 punëtorë të rregullt dhe 15 punëtorë sezonal, ndërsa veprimtarinë e zhvillon në sipërfaqen punuese prej 1,5 hektarë të mbuluara me serra dhe 5 hektarë në fushë të hapur.

Kjo kompani i kultivon dhe tregton brenda vitit 500 mijë fidanë të perimeve dhe luleve, 200 mijë bimë të sallatës jeshile, rreth 100 tonelata tranguj si dhe sasi të konsiderueshme të lakrës, lulelakrës, specit, shalqirit dhe kungullit.

Kompania “Gurra” sh.p.k., është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për modernizimin e hurdhës së troftës me pajisje të oksigjenimit dhe me makinën për klasifikim të peshkut. 

Me investimet e bëra, u mundësua rritja e kapacitetit të kultivimit të troftës së Kalifornisë në 100 tonelata në vit, nga të cilat 30 tonelata janë për eksport. Kompania “Gurra” ka 8 punëtorë dhe posedon 27 basene, ndërsa aplikon masat ekologjike për gjenerim të energjisë dhe trajtim të mbetjeve. 

Kompania “EKO Farm”, është mbështetur nga Ministria e Bujqësisë, Pylltarisë dhe Zhvillimit Rural (MBPZhR), për avancimin e sistemit gjysmë të lirë të kafazeve të pulës.

Me investimet e bëra, u mundësua rritja e cilësisë së vezëve dhe rendimentit të prodhimit deri në 7 milionë në vit, sipas planit për vitin e ardhshëm.

Kompania “EKO Farm” e themeluar në vitin 2002 në Dubravë të Suharekës, ka 9 punëtorë të rregullt dhe veprimtarinë e vet e zhvillon në pesë objekte për prodhimin e vezëve dhe rritjen e zogjëve.  

Pulat në këtë fermë ushqehen me produktet bujqësore nga arat e këtij fshati, ndërsa sistemi i ushqimit, grumbullimit të vezëve dhe mbledhjes së mbetjeve është tërësisht i automatizuar.

Ferma për prodhimin e qumështit “Natyra Farm”, me mbështetjen financiare të Ministrisë së Bujqësisë, Pylltarisë dhe Zhvillimit Rural (MBPZHR), ka shtuar kapacitetet prodhuese të qumështit dhe ka modernizuar teknologjinë e mjeljes dhe të ruajtjes së qumështit, duke përdorur edhe energjinë e diellit.

Grupi Lokal i Veprimit “Vitia”, me mbështetjen e Ministrisë së Bujqësisë, Pylltarisë dhe Zhvillimit Rural (MBPZhR) në kuadër të “Programit për Zhvillim Rural 2014 - 2020”, ka realizuar projekte në përmirësimin e infrastrukturës në vise rurale dhe në ngritjen socio-ekonomike të popullatës që jeton në këto zona.

Ferma e pulave “An-Di”, me mbështetjen e Ministrisë së Bujqësisë, Pylltarisë dhe Zhvillimit Rural (MBPZhR), ka arritur të ndërtojë fermën moderne për rritjen e pulave vojse, duke zbatuar në këtë prodhimtari standardet më të larta evropiane.

Kompania për prodhimin e verës “Biopak”, me investimet e përkrahura nga Ministria e Bujqësisë, Pylltarisë dhe Zhvillimit Rural (MBPZhR), ka përmirësuar kushtet e punës dhe të prodhimit të verës e bashkë më këtë ka rritur edhe cilësisë e verërave të prodhuara në këtë kompani.